CEBU CITY– Personal grude ug ang pagka ‘hard hitting commentator’ matud pa ang motibo sa pagpatay sa usa ka radio block timer sa Dumagute City nga si Dindo Generoso sa may Barangay Piapi sa naasoy nga dakbayan.
Kini ang gibutyag sa Negros Oriental Provincial Police Office Director nga si Police Colonel Julian Entoma sa dihang mahinabi sa Bombo Radyo Cebu.
Matud ni Entoma nga basi sa ilang imbestigasyon, usa ka hard hitting commentator ang naasoy nga brodkaster ug posibleng duna kini gitira nga usa ka personalidad. Apan gitino hinoon ni Entoma nga padayon pa kini nilang gisuta.
Samtang, duna nay persons of interests nga gihuptan ang Dumaguete Police ug ang usa niini matud pa,retired police. Apab wala kini hinganli ni Entoma sanglit nagpadayon ang ilang imbestigasyon.
Dason niini nga-identify nila ang duha ka lalaki gikan sa kuha sa CCTV Camera sa area kung diin gibanhigan ang brodkaster. Dali nga natrace nila ang plate number sa pick up truck nga gisakyan sa giingong spotter kinsang nasikop ug nakuhaan pa og 45 caliber pistol.
Samtang ang usa ka suspect nga giingong retired police, ang driver matud pa sa motorsiklo nga gisakyan sa gunman kinsang mikanaog gikan sa truck sa dihang nagkaduol na ang sakyanan sa biktima.
Natrace ang driver sa motor pinaagi sa mga marka sa helmet niini. Samtang nakig-alayon na usab karon sa mga kapulisan ang driver sa pick-up truck.
