CEBU CITY — Gitataw ni Cebu City Vice Mayor Mike Rama nga boot lamang sa ilang administrasyon ni Mayor Egdar Labella nga angayang han-ayon ang pag-uban sa kausaban.
Kini human nga midangop kaniya ang mga sidewalk vendors nga nagrally niadtong nakalabay nga adlaw tungod kay wala matud pa sila pabalika sa downtown area bisan paman ug duna na nay go signal si Sen. Bong Go kinsang nahinabi usab matud pa ni Rama.
Atol as pakighinabi sa Bombo Radyo Cebu kang Rama, gitataw niini nga iya lamang gipapanguta ni Sen. Go ngadto kang Presidente Rodrigo Duterte kung ‘ora mismo’ ba ang pagpatuman sa clearing operation sanglit dako ang iyang pagtoo nga dili usab mutugot ang presidente nga silhigon lang dayon ang mga vendors ug dili ipahimutan og tarong.
Apan nagpabilin sa gihapon ang baroganan matud pa ni Rama nga kung duna man gali kabalhinan kinahanglan usab nga dili mas lisod sa kasamtangan nila nga sitwasyon.
Gi-angkon usab sa bise mayor nga duna usab sala ang mga vendors tungod kay sa una nga gibutang na sila sa colon mi-abusar man og gipalapdan pa hinoon ang ilang pwesto nga daw sama sila na ang nahimong first class itandi sa mga tindahan.
Wala na matud pa ‘balance of interest’.
Dili matud pa maayo nga ‘mindset’ nga ‘manganak sa sidewalk, mamatay sa sidewalk gihapon’.
Kinahanglan maglantaw usab matud pa sa maayong ugma.
Apan mipasalig si Rama nga ila gyud kining tan-awon og insakto lakip na ang uban pang mga programa nga ilang ipatuman sa umaabot.
