Magsugod sa Marso 2, 2025 ang Balaan nga Buwan sa Ramadhan.
Kini ang gipahibalo ni Bangsamoro Grand Mufti ug Executive Director sa Bangsamoro Darul-Ifta’ (BDI), Sheikh Abdulrauf Guialani human gipahigayon ang moon sighting.
Sumala ni Grand Mufti Guilani, basi sa tradisyon sa Islam, kung ang crescent moon dili klaro nga makita ug ang kasamtangang lunar month kay makompleto sa 30 ka adlaw, ang Ramadhan Fasting 2025 magsugod sa Domingo.
Ang pagtan-aw sa buwan o hilal sighting, usa ka importante nga practice sa Islam nga nagtino sa pagsugod sa usa ka bag-ong unar month.
Diin ang maong moon sighting importante sa Islamic tradition aron masiguro ang saktong obserbasyon sa Ramadan nga nagtumong sa paghiusa sa mga Muslim.
Magpuasa ang mga kaigsoonang Muslim ug mag-ampo nga magdungan sa pag-obserbar sa Ramadan.
