CEBU CITY-Magsugod na karong adlawa ang unang adlaw sa tinuig nga edisyon sa Regionalized Bar Examinations 2024 diin diri sa Sugbo pagabuhaton sa University of San Jose – Recoletos (USJ-R) Basak Campus sa Basak Pardo, ning dakbayan sa Sugbo.
Ang maong eksaminasyon pagadumalaan sa Korte Suprema og ang tunghaan sa USJ-R lang ang naghiusang tunghaan sa tibuok Central Visayas ang maghupot sa maong aktibidad.
Matud pa ni Atty. Jonathan Capanas, ang Dean sa College of Law sa USJ-R diin niadtong Biyernes pa lang, Septiyembre 6, gi-take over na sa Korte Suprema ang kontrol sa naasoy nga venue aron sa pagsiguro sa examination protocols.
Daan nang nagpahibalo ang Cebu City Police Office (CCPO) sa pagpatuman og hugot nga seguridad sama sa Liquor Ban ug Anti-Noise Ordinance sulod sa 100 meter radius sa tunghaan gikan sa alas 2 sa buntag hangtud alas 8 sa gabii.
Sa samang higayon ipatuman sab ang samang protocols sa Septiyembre 11 ug 15 para sa ikaduha ug ikatulo nga adlaw sa eksaminasyon.
Magpakatap sab ang nagkadaiyang ahensya sa kagamhanang dakbayan sa Sugbo sama sa traffic enforcers sa Cebu City Transportation Office (CCTO), emergency personnels gikan sa Cebu City Disaster Risk Reduction and Management Office (CCDRRMO) ug uban pa.
