Gipapaspasan sa kagamhanang dakbayan sa Sugbo ang relokasyon sa Buhisan Elementary and Night High School diin nakasinati kini og hulga sa structural damages tungod sa pipila ka mga rason.
Mao kini ang gipasalig ni Cebu City Mayor Raymond Alvin Garcia sa plano na sa dakbayan ang pagpalit sa luna sa Sitio Langob, Barangay Buhisan sa bukirang dakbayan nga adunay gidak-on sa 5,000 square meters sa dili pa ang sumusunod school year 2025-2026.
Nahimutang kini sa likoran nga bahin sa Buhisan Barangay Hall nga maoy tukuran sa umaabot tunghaan.
Gipamahayag kini sa opisyal atol sa press conference sa Cebu City Hall kagahapong adlawa sa Lunes, Marso 24 diin gipasalig niini ang hinadaling pagtagad sa makalilisang nga kahimtang sa maong tunghaan.
Gilantawang moagi pa sa City Appraisal Committee sa pagpalit sa maong luna aron mahibaw-an ang presyo matag square meters.
Dugang niini nga anaa na ang budge sa maong pagpalit nga kuhaon gikan sa pundo sa Local School Board.
Gani sa nakalabay nga semana kay naaprobahan sa konseho ang rekomendasyong ideklarang “State of Emergency” ang tibuok eskwelahan sumala sa kahimtang niini base sa nahitabong geo-hazard assessment sa Mine ad Geo-Science Bureau – Central Visayas.
