Giangkon ni Cavite 4th District Representative Kiko Barzaga nga bisan og wala pa siya karon karelasyon, aktibo siya sa pagpakig-date diin gikatahong makig-date siya duha ngadto sa tulo ka higayon sulod sa usa ka semana.
Sa interbyu kang Boy Abunda, ang batan-ong kongresista niingon nga busy kaayo siya sa trabaho para makasulod sa seryosong relasyon sa pagkakaron.
Hinuon, matud niya nga open siya sa casual dating.
Gipaambit usab ni Barzaga nga daghang mga tawo ang nag-message kaniya online, kasagaran gikan sa LGBTQ+ community.
Iyang giklaro nga straight siya ug dili andam musalmot sa maong mga relasyon.
Giangkon usab ni Barzaga ang usa ka istorya nga naka-date siya kaniadto og usa ka transgender nga babaye nga wala dayon niya mailhi nga usa diay ka transwoman.
Matud pa niya nga walay nahitabo tali kanila ug nahibaw-an ra niya kini sa usa ka higalang babaye.
