Miani og atensiyon ug nagkandaiyang reaksiyon ang sikat nga all-you-can-eat hot pot restaurant chain sa Japan nga “Shabu-yo” tungod sa giluto niining mga slice sa pork nga sobra kanipis rason halos transparent na kini.
Gilayong gibantog nga “stealth pork” sa social media ang nasangpit nga karne.
Sa mikatao nga post nga miani og kapin 3 milyones views, nagpasiaw ang usa ka netizen kung migamit ba sila og translucent nga baboy.
Dunay mga mibatikos usab nga nag-ingon ng kung gusto lang diay sa restaurant nga magtipid, unta wala na lang sila naghanyag og eat-all-you-can.
Sa laing bahin, pasiaw usab nga gipamugos sa original nga nag-post nga ang bentaha sa ingon ani kanipis nga hiwa tungod kay mas daghang makaon nga piraso sa baboy.
Tungod sa atensiyong nakuha online, napugos nga magpagawas og opisyal nga pamahayag ang kadumalahan sa Shabu-yo aron mangayu og pasensiya.
Giangkon niining duna silay pipila ka branch nga nagluto og karne nga wala makapasar sa orihinal nga patakaran sa ilang kompanya.
