Patay ang usa ka lalaki human nga malatayi sa dumptruck ang motorista nga naglatas sa kadalanan sa Gen. Aviaton Road, Corner ML Quezon National Highway, sa Barangay Buaya Lapu-Lapu City kagahapong adlawa, Lunes Septiyembe 8, 2025.
Nailha ang biktima nga si Jeff Lawrence Fuentes, 21-anyos ug residente sa Barangay Pajac, Lapu-Lapu City.
Nasayran nga ang biktima nga padulong kini sa trabahoan sa amahan ngadto sa airport aron nga sugaton ug kuhaon ang amahan niini, apan nahitabo nalang nga nalatayan gayud kini sa dumptruck.
Matud sa mga opisyal sa barangay, nga ang biktima anaa lang sa luyo nga bahin sa dumptruck ug kalit lang kini nga mi-overtake ang nahisgutang motorista hinungdan nga nalatayan kini ug nakabsan sa kinabuhi.
Samtang, kasamtangan usab nga nakabalhug sa Traffic Enforcement Unit sa Lapu-Lapu City Police Office ang driver sa dumptruck.
