CEBU PROVINCE-Gisugyot ni Gobernador Gwen Garcia nga kinahanglang ipatuman ang “right turn only” policy sa national highway sa Minglanilla, kini arun masulbad ang kahuot sa trapiko.
Sa pakigtagbo ni Mayor Rajiv Enad sa Minglanilla, ug sa iyang traffic management chief nga si Glenn Antigua, si Gobernador Garcia niingon nga kining “right turn only” nga polisiya kinahanglang ipatuman sa busy, kritikal nga mga intersection aron matugotan ang libreng pag-dagan sa trapiko subay sa nag-unang dalan.
Siya niingon nga kini nga polisiya, kon mapatuman, makaapektar sa kahimtang sa trapiko sa Minglanilla.
Gipakita pa ni Garcia ngadto sa mga opisyal sa Minglanilla ang usa ka video nga nagpakita sa epekto sa maong traffic policy sa dagan sa sakyanan subay sa highway sa Carcar.
