Naluwas ang anaa sa 200 ka mga pasahero sa usa ka river cruise boat human kini gidaro sa usa ka oil tanker diha sa Suba sa Mississippi.
Tungod sa kakusog sa maong pagbangga, natikyaob ang nagdunggo nga cruise boat, hinungdan nga 197 ka mga sakay niini ang daling nangambak ngadto sa suba aron masalbar ang ilang kaugalingon.
Giisip ni Louisiana Governor Jeff Landry nga usa ka dakong milagro nga walay nakalas sa maong aksidente, bisan pa man og 32 ka mga pasahero ang gidala sa tambalanan tungod sa naangkong mga samad ug bun-og sa lawas.
Sumala sa pasiunang imbestigasyon, gituohan nga nawad-an og kontrol ang oil tanker nga ginganlan og Atlantic Asphalt sa wala pa kini mibangga sa nakadaong nga barko.
Sa pagkakaron, nagpadayon ang hugot nga pakisusi sa mga awtoridad aron masuta ang tinuod nga hinungdan sa insidente ug matino kon kinsa ang adunay tulubagon niini.






