Malipayong gipahibalo sa TV host nga si Robi Domingo ug sa iyang asawa nga si Maiqui niadtong Martes nga nagsabak na kini sa ilang unang anak.
Gipahibalo sa magtiayon ang maayong balita pinaagi sa usa ka video nga ilang gipaambit sa ilang mga Instagram account, uban sa mensahe: “Two years married… and now our greatest blessing is on the way.”
Nagpakita ang video sa mga footage gikan sa Setyembre, diin nagpa-pregnancy test si Maiqui ug sa higayon nga ilang nahibal-an ang resulta nahimong emosyonal ang reaksyon ni Robi sa dihang gipaambit kaniya ang balita.
Apil usab sa video ang malipayong reaksyon sa pipila sa ilang mga higala nga artista sama nila ni Darren Espanto, Donny Pangilinan, Vice Ganda, Anne Curtis, Coco Martin, ug mga miyembro sa BINI.
Ang pagpahibalo sa pagmabdos nahitabo atol sa pagsaulog sa ilang ikaduhang anibersaryo sa kasal. Sa caption sa ilang post, ang magtiayon miingon: “Happy 2nd anniversary! We’re ready to give you all our love.”
Si Robi ug Maiqui gikasal niadtong 2023 sa usa ka pribadong seremonyas sa simbahan, nga gitambongan lamang sa suod nga mga higala ug pamilya.
