Rollback sa presyo sa lana, lauman nga madungagan pa sunod semana

Gikatahong adunay rollback sa presyo sa lana sunod semana.

Matud sa tinubdan sa oil industry, ang gasolina mous-os og P1.50 ngadto sa P1.70 matag litro.

Gipaabot usab nga maminusan ang diesel og P1.30 ngadto sa P1.50 matag litro; samtang ang posibleng i-rollback sa matag litro sa kerosene kay anaa sa P1.40 ngadto sa P1.60.

Opisyal nga i-anunso ang lihok sa presyo ugmang adlawa ug epektibo kini sa adlaw nga Martes,Setyembre 10, 2024.