BOHOL- Nasangad ang usa ka roll-on roll-off nga pasaheroang barko sa baybayon sa Port of Jagna sa lalawigan sa Bohol niadtong Sabado sa gabii, Abril 19, 2025.
Ang barko, nga gipadagan sa M/V Lite Ferry 5 sa Cebu-based shipping line Lite Ferries Corporation, nagkarga og kapin sa 500 ka mga pasahero paingon sa Cagayan de Oro City sa Northern Mindanao.
Kung diin, ang insidente daling girespondehan sa mga otoridad pinangulohan sa PH Coast Guard – Central Visayas (PCG-7) human makadawat og distress report.
Ang barko nasangad sa mabaw nga bahin sa pantalan tungod sa low tide hinungdan nga wala kini makaangkla og maayo.
Mitabang sa pagluwas sa mga pasahero ang ubang ahensya sama sa PH Navy, Jagna Disaster Risk Reduction and Management Office, Bantay Dagat, ug mga lokal nga mananagat sa maong dapit.
Tibuok gabii ang rescue operation ug niabot na sa 506 ka mga pasahero ug tripulante ang nabalik sa pantalan.
Maayo na lang kay walay naangol o samdan sa maong insidente.
Sa pagkakaron, nagpadayon pa ang inisyal nga inspeksyon sa PCG-7 ug walay natala nga ‘major hull damage’.
Gani, ang hingpit nga marine safety ug environmental assessment ang sunod nga ilusad aron sa pagsuta sa kadaot sa baybayon.
Nasuta,nga gipadala ang mga tugboat gikan sa Sugbo aron paglibkas sa roro vessel gikan sa angkla niini.
