Gipahibalo sa Presidente sa Russia nga si Vladimir Putin nga andam silang makigsulti sa Ukraine nga wala’y mga kondisyon mahitungod sa katapusan sa gubat.
Ang pahayag nahitabo human sa usa ka meeting sa US envoy nga si Steve Witkoff.
Sumala sa tigpamaba sa Kremlin nga si Dmitry Peskov, gibalik-balik ni Putin ang iyang posisyon sa pagpasiugda sa kalinaw sa rehiyon.
Matud ni Peskov nga atol sa mga pakigpulong uban sa sinugo ni Trump nga si Witkoff, gisubli ni Vladimir Putin nga ang Russia andam nga ipadayon ang negosasyon sa Ukraine nga wala y mga kondisyon.
Bisan kung andam nga makigsulti, si Putin nagpadayon sa paghisgot sa mga gipangayo sa Russia, lakip ang pagkontrol sa lima ka mga rehiyon sa Ukraine nga giangkon niini, ang pag-atras sa Ukraine gikan sa agkamiyembro sa NATO, ug ang pagkunhod ug pagwagtang sa mga pwersa militar sa nasud.
Dugang pa ni Putin, ang giyera usa ka “hybrid war” nga giingong gilunsad sa NATO batok sa Russia, nga gusto nga usbon ang istruktura sa seguridad sa Europe, labi na ang pagdeploy sa mga pwersa militar sa NATO duol sa utlanan sa Russia.
Samtang, ang panag-istoryahanay tali ni Putin ug Witkoff milungtad og tulo ka oras, nga giingon sa Kremlin nga gituyo aron “makabenepisyo” gikan sa posibilidad sa panaghisgot sa kalinaw.
