Paningkamotan sa buhatan sa Department of Public Works and Highways (DPWH) nga makakuha og igong pondo sunod tuig, para sa pagpatukod og Sabo Dams sa mga dagkong sapa sa Metro Cebu.
Mao kini ang gikabutyag ni Toribio Noel Ilao ang Bureau of Equipment Director, DPWH nga ila na kining gipaningkamotan nga kombinsihon ang kongreso kabahin sa paghatag og igong pundo aron hingpit nga mapatuman ang proyekto sa pagpatukod sa DPWH og Sabo Dams.
Ang Sabo Dams gamiton aron mapugngan o maminosan ang bul-og sa tubig kung ugaling adunay kusog nga pagbunok sa uwan.
Matod pa, kung ihulagway kining Sabo Dams, mura ura kini og mga road humps nga gigamit aron usab mamenoran ang speed sa mga sakyanan nga molabang, busa, susama ra usab ang Sabo Dams niana kay giingong humps kini aron ma menosan ang momentum sa tubig, ug inanay na ang kusog nga dalhun niini.
Sa pikas bahin, gipaambit usab ni Ilao ang dakong hagit nga ilang nakita sa Central Cebu ang problema sa solid waste.
Matud niini nga dili gihapon epektibo mga interbensyon gumikan sa nagpadayon ug nagkadaghan nga basura sa mga sapa sa rehiyon.
Busa, gihimug-atan niini ang kamahinungdanon sa pag-partisipar sa publiko aron magmalampuson ang Kontra Baha hilabi na sa aspeto sa Solid waste management.
