CEBU – Nakadawat na sa ilang 1st dose sa COVID-19 vaccine ang pipila ka sakop sa City of Talisay-Traffic Operations and Development Authority (CT-TODA).
Matod ni CT-TODA Head Jonathan Tumulak, gisugdan gahapon ang pagbakuna sa 20 ngadto na sa 25 ka mga sakop nga niboluntaryo nga magpa bakuna.
Nihangyo matod pa ang ahensiya sa lokal nga pangagamhanan sa dakbayan sanglit lima sa mga sakop sa CT-TODA ang nagpositibo sa coronavirus niadtong
nakalabay’ng tuig.
Gamit ang bakuna sa AstraZeneca naturukan ang pipila ka mga sakop diin gikatakda usab niini nga madawat ang ika-duhang dose
human sa dul-an duha ka buwan ang molabay.
Panawagan ni Tumulak sa mga kaubanan niini nga magpabakuna, bisan ug dili matod pa pugsanay, apan mas makaayo kung makapanagana daan batok sa makamatay’ng kagaw.
