Kumpleto nang nasapublikar ang Statement of Assets, Liabilities, and Net Worth (SALN) sa tanang 24 ka senador human nakasumiter na ang nahabiling sakop sa minority nga sila Senate Minority Leader Alan Peter Cayetano, Sen. Ronald “Bato” dela Rosa, ug Sen. Imee Marcos.
Base sa ilang gisumiter nga mga SALN, si Cayetano nagdeklara og P110.66-milyones nga kinatibuk-ang assets, mga utang sa P1.5-milyones, ug net worth nga P109.13-milyon.
Samtang, si Dela Rosa adunay kinatibuk-ang assets nga P61.31-milyones, mga liability nga P29.02-milyones, ug net worth nga P32.29-milyones.
Sa laing bahin, si Imee adunay P164.99-milyones nga kinatibuk-ang assets ug net worth, ug wala’y gitaho nga mga utang.
Sa kinatibuk-an, si Mark Villar nagpabilin nga pinakadato nga senador, nga adunay net worth nga kapin sa P1.2-bilyones ug zero sa utang samtang si kanhi Senate President Francis “Chiz” Escudero mao gihapon ang adunay pinakagamay nga bahandi nga adunay P18.84-milyones.
