Gitugutan sa Sandiganbayan 5th Division si Sen. Jinggoy Estrada og temporaryong leave sa New Quezon City Jail karong Agosto 26 aron magpa-X-ray sa iyang mga tuhod sa usa ka pribadong ospital.
Sa usa ka resolusyon nga gi-isyu niadtong Lunes, ang korte miingon nga si Estrada mahimong mobiya sa prisohan mga alas 11 sa buntag aron moagi sa usa ka medical procedure sa Cardinal Santos Medical Center sa ala 1 sa hapon.
Ang senador gilauman nga mobalik sa detention facility sa alas 3 sa hapon human sa iyang appointment.
Kinahanglan usab nga ubanan ni Estrada ang angay nga mga security escort samtang anaa sa gawas sa prisohan.
Giingon usab sa resolusyon nga ang senador ang moabaga sa tanang gasto sa ospital, bayad sa medikal, transportasyon ug uban pang may kalabutan nga gasto.
Gikumpirma sa iyang legal counsel sa Sandiganbayan 2nd Division nga si Estrada adunay osteoarthritis sa duha ka tuhod.
Si Estrada kasamtangang gibilanggo tungod sa mga kaso sa plunder ug graft nga may kalabotan sa giingong mga anomaliya sa mga proyekto sa pagkontrol sa baha.
