Mi-atras si Dean Ralph Sarmiento sa iyang papel isip saksi alang sa kampo sa depensa sa nagpadayon nga impeachment trial batok kang Bise Presidente Sara Duterte, nga gikatakda karong Nobyembre 9.
Sa usa ka pahayag, gibutyag ni Sarmiento nga human sa pagkonsiderar, nakahukom siya nga dili na moapil sa pagdungog.
Gipasabot niya nga ang iyang pag-atras usa ka personal nga desisyon, nga gihimo aron mapanalipdan ang kagawasan sa iyang pagtuon ug panukiduki mahitungod sa constitutional law, ingon man ang pagkawalay-dapig sa iyang mga panglantaw ug opinyon sa natad sa balaod.
CUE IN: DEAN RALPH SARMIENTO
Si Sarmiento unta ang unang saksi nga gilaumang mopamatuod alang sa kampo sa depensa sa proseso sa impeachment batok sa Bise Presidente.
Sa pagkakaron, wala pa mahibal-i kung kinsa ang ipresentar sa depensa isip kapuli ni Sarmiento isip saksi sa umaabot nga pagdungog.
