Giila ang P-POP Kings SB19 isip Favorite Asian Act sa Nickelodeon Kids’ Choice Awards 2024.
Gilangkuban ang grupo, nila Pablo, Stell, Josh, Justin, ug Felip.
Mipahayag ang grupo sa ilang pasalamat ngadto sa mga fans ug Nickelodeon sa social media ug gipasiugda ang dungog sa pagrepresentar sa Pilipinas.
Gipildi sa SB19 ang K-pop group nga ENHYPEN, Malaysian singer nga si Iman Troye, Japanese girl group NiziU, ug Indonesian vocalist nga si Tiara Andini.
Nagpasalamat ang matag usa sa grupo sa usag usa ug miingon nga ang kadaugan usa ka importante nga kalampusan alang sa mga Filipino nga mag-aawit, human sa kadaugan ni Jake Zyrus niadtong 2012.
Kahinumduman nga ang SB19 bag-o lang nagpagawas sa ilang comeback track nga ‘Moonlight,’ug ang Kids’ Choice Awards adunay encore telecasts karong Hulyo 18 ug Hulyo 20.
