Gi “note” sa Korte Suprema ang usa ka petition letter nga naghangyo sa korte nga konsiderahon pag-usab ang hukom niini nga nagdeklarar sa impeachment complaint batok kang Bise Presidente Sara Duterte nga unconstitutional.
Sa usa ka pahibalo nga gipetsahan sa Agosto 12, ang SC En Banc nakahukom nga tagdon ang petition letter nga gipetsahan sa Agosto 5, 2025. Base sa pahibalo, kini gipirmahan sa lain-laing mga indibidwal, nga nagpahayag sa ilang hugot nga pagsupak sa desisyon sa Korte.
Gihangyo usab nila ang Korte Suprema nga maghimo og oral arguments bahin sa maong butang.
Kahinumduman nga niadtong Hulyo, gideklarar sa Korte Suprema nga unconstitutional ang articles of impeachment batok sa Bise Presidente.
Sigon sa maong desisyon nga nakalapas kini sa “one year bar rule” o ang constitutional mandate nga usa ra ka impeachment complaint ang mahimong ipasaka batok sa usa ka opisyal sulod sa usa ka tuig.
Giklaro usab sa Korte Suprema nga wala niini giabsuwelto ang Bise Presidente sa mga reklamo batok kaniya.
