CEBU CITY-Gikalipay sa Securities and Exchange Commission (SEC) ang pagka konbikto ni Pastor Joel Apolinario ang founder sa kabus pahilakon kon kapa sa kasong syndicated estafa.
Gibutyag ni Sheara Lupangco Tamayo ang director sa Securities and Exchange Commission nga illegal ang religous corporation ni Joel Apolinario ug angayan lang nga mapriso tungod sa kadaghan sa ilang mga nabiktima.
Gi-awhag ni Tamayo sa publiko nga e-report dayon sa ilang buhatan kon ugaling adunay namatikdan nga investment scam aron ilang ma-imbestigahan.
Gidugang sa naasoy nga official nga kinahanglan dili ta magpa-ilad ilabi na sa mga investment scam ug sutaon pag-ayo kung dili ba binuang o pangilad ang nasudlan nga investment.
Kahinumduman nga gisentensiyahan sa silot nga tibuok kinabuhi nga pagkapriso ang mga mastermind sa Kapa Community Ministry International, Inc. (KAPA), nga giila nga labing dako nga investment scam sa kasaysayan sa Pilipinas.
Sa desisyon nga gipagawas niadtong Disyembre 12, nakita sa Branch 33 sa Regional Trial Court (RTC) sa Butuan City ang mga lider sa Kapa nga sila Joel Apolinario, Cristobal R. Baradad, ug Joji A. Jusay nga ‘guilty beyond reasonable doubt’ sa walo ka ihap sa syndicated estafa diin kini nagpasabot nga masilutan sila ubos sa Article 315 (2)(a) sa Revised Penal Code.
Subay niini, kini nga silot aduna’y kalambigitan sa Presidential Decree No. 1689.
