LAPU-LAPU CITY,CEBU- Nangulo si Department of the Interior and Local Government (DILG) Secretary Jonvic Remulla sa usa ka site inspection ug miting alang sa ASEAN Summit 2026 nga ipahigayon sa Lapu-Lapu City, Huwebes, Septiyembre 18, 2025
Gipahimamat ni Sec. Remulla ang mga lokal nga lider ug opisyal sama nila DILG-7 Director Leocadio Trovela, PRO-7 Director PBGen Redrico A. Maranan, Lapu-Lapu City Mayor Ma. Cynthia “Cindi” Chan, ug Congressman Junard “Ahong” Chan.
Gihimo dayon ang miting diin nagtapok ang mga representante gikan sa lokal nga kagamhanan, national government agencies, ug pribadong sektor aron tukion ang tanang detalye sa preparasyon.
Gilauman nga ang pag-host sa Lapu-Lapu City sa ASEAN Summit 2026 mahimong usa ka dakong higayon alang sa Pilipinas.
Kana gumikna, kay diri magtagbo ang mga head of states, ministers, ug delegates gikan sa tibuok Southeast Asia, ug kini usa ka oportunidad aron ipakita ang kapasidad sa nasud sa pag-organisar og internasyonal nga kalihokan.
Labaw sa tanan, kini usa ka pasundayag sa kultura, katahum, ug mga kasinatian nga ikatanyag sa Central Visayas sa mata sa kalibutan.
Ang site inspection ug miting nagpamatuod sa kahugot sa koordinasyon tali sa tanang sektor — usa ka milestone nga magtugot sa maayong pagplano ug hapsay nga pagpadagan sa summit.
