Nalakip ang usa ka iladong guwardiya sa tulo ka biktima nga namatay sa pag-atake sa duha ka armado nga menor de edad sulod sa Islamic Center sa San Diego.
Sumala sa mga awtoridad, dinalian nga milihok ang maong guwardiya aron masagang ang mga suspek ug malikayan ang dugang nga mga kamatayon.
Ang maong biktima nailhan nga si Amin Abdullah, kinsa sumala sa mga nakaila kaniya, nailhan tungod sa iyang mahigalaon nga kinaiya sa mga bisita sa mosque pinaagi sa paggamit sa tradisyonal nga pangumusta sa Muslim nga “as-salamu alaikum” o “ang kalinaw anaa kaninyo.”
Nasayran nga bisan kon wala pay opisyal nga gipagawas sa kapolisan ang mga ngalan sa tulo ka biktima, usa ka higala sa pamilya ang mibutyag nga tinguha gyud ni Abdullah nga depensahan ang mga inosenteng kinabuhi hinungdan nga nakahukom kini nga mamahimong usa ka guwardiya sa maong establisamento.
Sa pagkakaron, anaa na sa kustodiya sa mga awtoridad ang duha ka menor de edad nga suspisado samtang nagpadayon pa ang tibuok imbestigasyon sa motibo sa maong madugayong pag-atake.
