Security guard nga nanulis sa usa ka gasoline station , nasikop sa Aloguinsan

CEBU – Nasikop ang security guard nga si Reynato Sarquilla human kini giingong nanulis sa usa ka gasoline station sa Barangay Bonbon sa Aloguinsan, Cebu mga alas 12:32 sa udto. niadtong Lunes, Septiyembre 26.

Kini ang gibutyag ni Police Lieutenant Roberto Barnido, hepe sa Aloguinsan Police Station, nga nasikop si Sarquilla kay mag-ilis na unta sa iyang uniporme dihang niabot sa iyang gitrabahoan sa Pinamungajan District Hospital.

Nitug-an siya sa kapulisan nga desperado na siya hinungdan nga iyang gitulis ang gasoline station.

Kini gumikan ang security guard adunay unom ka mga anak, ug sukad niadtong Hulyo wala pa siya kahatagi sa iyang suweldo.