Security Guards sa mga mall sa Lapu-lapu gisiguro nga duna’y mga armas

LAPU-LAPU CITY-Gipahugtan na ang seguridad sa dakbayan sa lapu-lapu ug padayon ang pag-ronda sa kapulisan sa mga kadalanan ingon man pagpahigayon ug check point sa duha ka bridge.

Kini may labot sa robbery incident sulod sa usa ka mall sa Mandaue City kung diin nangandam usab ang dakbayan sa Lapu-Lapu.

Matud ni Lapu-lapu City Mayor Ahong Chan nga aduna usab gipanghatag nga numero ang kapulisan sa mga katawhan nga kung ugaling adunay makita nga kadudahan dali kini nga i-report.

Gipamonitor usab sa mayor sa nagkadaiya nga baranggay ang mga katawhan nga bag-o lang namuyo sa ilang area, ingon man ang mga pension houses ug hotels.

Gisiguro usab ni Chan nga adunay mga armas ang mga security guards sa mga malls . (Lahvi Quiñones)