Gikatahong mas palabihon ni Senate President Chiz Escudero nga mas sayon ug mas barato ang proseso sa annulment sa nasud kaysa sa legalisasyon sa absolute divorce.
Gihimug-atan ni Escudero ang panginahanglan nga timbang-timbangon ug balansehon ang diskusyon sa sugyot sa paghatag og laing legal nga paagi aron mabungkag ang mga nabungkag nga kaminyuon.
Apan, ang lider sa Senado miingon nga iyang tugotan ang iyang mga kaubang senador nga mopadayag sa ilang kaugalingong mga panglantaw sa hingpit nga diborsyo.
Matod niya konsensya ug personal nga vote ang baruganan sa senador bahin sa diborsyo.
Ug ang personal nga opinyon ni Escudero, mas gipili niya nga himuong mas barato ug accessible ang annulment ubos sa balaod karon.
Kalabot niini, gisugyot sa magbabalaod nga itugyan na lang sa public attorney’s office o kon PAO ang pagdumala sa mga kaso sa annulment aron libre o mas barato alang sa mga mopasaka og annulment.
Sa pagkakaron anaa pa sa committee on rules sa senado ang divorce proposal samtang naaprobahan na kini sa Kamara.
