Nanghinaot si Senador Sherwin Gatchalian kaniadtong Sabado, Agosto 9 nga iyang gipunting ang paggahin ug budget alang sa edukasyon nga katumbas sa 4% sa gross domestic product (GDP) sa nasud alang sa fiscal year 2026, sa tinguha nga matubag ang krisis sa edukasyon ug mamuhunan sa kaugmaon sa nasud.
Sumala pa ni Gatchalian kinsa maoy chairman sa Senate Committee on Finance nga pugson nila ang budget sa edukasyon nga moabot o molapas sa 4% sa atong GDP tungod kay daghang pundo ang gikinahanglan aron masulbad ang krisis sa edukasyon ingon man nga wala kini magpasabot nga talikdan na ang ubang sector apan unahon lang ang edukasyon.
Gihatagan og gibug-aton sa senador nga ang 2026 budget magtutok sa “going back to the basics” pinaagi sa pagpalig-on sa literacy ug numeracy gikan sa Kindergarten hangtod sa Grade 3.
Gipasiugda usab ni Gatchalian ang panginahanglan sa pagpundo sa Academic Recovery and Accessible Learning (ARAL) Program ug gisugyot ang pag-usab sa counterpart program, diin ang nasudnong kagamhanan ug mga local government units nagbahin sa gasto sa pagpatukod sa classrooms.
Dugang pa sa magbabalaod nga gusto niya nga ang pagkuha og dugang nga mga magtutudlo nga katabang aron mapahigawas ang mga magtutudlo sa administratibo ug uban pang mga buluhaton nga dili bahin sa pagtudlo.
