Giawhag ni Sen. Imee Marcos ang Social Security System (SSS), Government Service Insurance System (GSIS), PAG-Ibig, ug Philippine Health Insurance Corp. (PhilHealth) nga ipatuman ang temporaryo nga pagsuspenso sa gov’t salary deduction benefits aron maibanan ang pas-anon nga nasinati sa mga trabahanteng Pilipino tungod sa padayon nga pagsaka sa presyo sa gasolina ug mga batakang palaliton.
Sa samang higayon, giduso usab sa senadora ang usa ka moratorium sa pautang aron mahatagan og kahupayan ang mga trabahante, mag-uuma, mananagat, ug mga tag-iya sa gagmay nga negosyo nga grabeng naapektuhan sa krisis sa enerhiya, human gideklara ni Presidente Ferdinand “Bongbong” Marcos Jr. ang usa ka nasudnong state of energy emergency.
Sumala ni Imee, nga ang krisis sa gasolina ug krudo usa ka palas-anon labi na sa adlaw-adlaw nga kinabuhi sa matag Pilipino, labi na sa ang atong mga trabahante. Busa, angay lang nga hatagan sila og labing menos usa ka buwan o labaw pa nga grace period sa pagbayad sa ilang mga obligasyon.
Gipunting usab sa senadora nga kini nga lakang napamatud-an nga epektibo atol sa pandemya ug sa nangaging mga kalamidad.
