Misurender pag-usab si Sen. Jinggoy Estrada sa Criminal Investigation and Detection Group (CIDG) human ang Sandiganbayan nag-isyu og ikaduhang warrant of arrest batok kaniya tungod sa kasong plunder nga dili ma-piyansahan.
Ang warrant may kalabutan sa giingong P573-milyon nga mga flood control projects nga nahugawan sa giingong mga kickback scheme.
Kini ang ikaduhang warrant nga gi-isyu batok kang Estrada sulod lang sa upat ka adlaw.
Sa iyang pamahayag, giinsistir ni Estrada nga dili niya gamiton ang Senado isip ‘shield’ batok sa mga alegasyon.
Samtang, mitumaw ang laing mainit nga panaglalis tali nila ni Senate President Alan Peter Cayetano ug Interior Secretary Jonvic Remulla bahin sa pagpasaka og warrant of arrest sa Philippine National Police-Criminal Investigation and Detection Group (PNP-CIDG) batok kang Sen. Jinggoy Estrada.
Giklaro ni Remulla nga si Cayetano giinsister nga dili angay dakpon si Estrada sulod sa Senate building.
Sumala ni Remulla, nawala kini nga pribilehiyo sa dihang nakalingkawas si Senador Ronald “Bato” dela Rosa.
Ingon man nga kusganong gibarugan ni Remulla nga ilang gisunod ang mga pamaagi sa dihang gisilbi ang warrant of arrest batok kang Sen. Jinggoy Estrada.
