Nagkanayon si Senador Rodante Marcoleta nga dili lang siya ang “nabilanggo,” apan lakip na ang kamatuoran nga dugay nang gipaabot sa katawhang Pilipino.
Sa usa ka interbyu niadtong Hulyo 28, si Marcoleta miingon nga nasubo siya sa iyang kasamtangang sitwasyon, apan mas nasubo pa siya nga ang hingpit nga kamatuoran bahin sa mga isyu nga giatubang sa nasud sa dugay nga panahon wala pa mabutyag.
“Nalulungkot ako sapagkat hindi lang ako ang nakakulong. Ang nakakulong dito ay taumbayan.” ingon ni Marcoleta.
Sumala sa senador, hangtod karon, wala pa gihapon mahatag sa publiko ang kamatuoran nga dugay na nilang gipaabot.
“Anong nakakulong dito? ‘Yong kanilang hinahanap na katotohanan, hanggang ngayon ay hindi naibibigay sa kanila,” dugang niya.
Gipasalig usab ni Marcoleta nga ang mga tawo nga responsable sa giingong dagkong mga anomaliya ug korapsyon sa nasud nagpabilin nga natago.
Mahinumduman nga lakip sa mga isyu nga aktibong gipasiugdahan ni Marcoleta mao ang imbestigasyon sa giingong anomalosong mga proyekto sa pagkontrol sa baha.
Si Marcoleta kasamtangang gibilanggo sa New Quezon City Jail – Male Dormitory sa Payatas, Quezon City samtang nag-atubang og mga kaso nga non-bailable plunder, indirect bribery, ug tulo ka ihap sa paglapas sa Presidential Decree No. 46, nga nagdili sa mga opisyal sa gobyerno sa pagdawat o paghatag og mga regalo gikan sa mga pribadong indibidwal.
