Gikumpirma ni Philippine Ambassador to the United States Jose Manuel “Babes” Romualdez , nga gibawi na sa Estados Unidos ang diplomatic ug tourist visa ni Leyte Representative ug kanhi House Speaker Martin Romualdez.
Sa usa ka interbyu, miingon ang ambassador nga ang pagbawi sa visa gihimo samtang si Romualdez nag-atubang og imbestigasyon nga may kalabotan sa giingong mga anomaliya sa flood control project.
Una nang nag-isyu ang Sandiganbayan og precautionary Hold Departure Order (HDO) batok kang Romualdez kalabot sa mga reklamo nga naglakip sa giingong plunder, direct bribery, paglapas sa Anti-Graft and Corrupt Practices Act, indirect bribery, ug money laundering.
Bisan pa niini, hugot nga gihimakak ni Romualdez ang tanang pasangil batok kaniya.
Matod sa kanhi House Speaker, ang mga alegasyon adunay motibong politikal ug wala magbase sa lig-on nga ebidensya.
Padayon pa nga gikontak sa Bombo Radyo si Romualdez aron makuha ang iyang opisyal nga reaksyon bahin sa maong isyu.
