Mitumaw ang gamay nga tensyon tali nila ni Senador Robin Padilla ug Senador Francis “Kiko” Pangilinan human sa pagtingog sa plenaryo atol sa debate sa Senate Resolution no. 44.
Gusto unta ni Pangilinan nga makiglamano apan midumili si Padilla, kay gusto niya nga mangayo og pasaylo ang iyang kaubang senador.
Si Senador Pangilinan nagpataas og punto sa mando mahitungod sa Resolution No. 44 ug miinsistir nga kini angay hisgutan sa Committee on Rules imbes sa plenaryo aron matubag ang ubang mga kabalaka.
Hinungdan nga gusto kining ireklamo ni Sen. Padilla ug gikanayon nga wala sa ilang lagda nga nagtugot kanila sa pagsinggit sa ilang kaubang senador.
Samtang, nagpost usab si Sen. Kiko Pangilinan, diin gitubag niini ang reklamong ipasaka batok kaniya ug miingon nga dili niya atrasan ang walay pulos nga kasong ipasaka batok kaniya tungod sa pagsinggit lang niini.
Dugang pa ni Sen. Kiko nga sa taas nga panahon niini sa Senado diin dagkong sininggitay ang nahitabo, unang higayon kini nga maka-ethics case siya gumikan sa tensyon.
