Gisaway sa pagduha-duha ni Senador Pia Cayetano ang Cebu Normal University (CNU) kabahin sa nahimong desisyon niini nga ibalhin sa ura-urada ang tanang klase sa maong tunghaan sa main campus sa usa ka online learning nga matang sa pagtungha.
Sa usa ka press release gahapong adlawa, Lunes, Agosto 4, 2025, si Cayetano nag-ingun nga ang maong palisiya sa unibersidad nagpakita lamang og usa ka kapakyasan sa pagdala, pamunoan, ug naghatag lang og kadaot ngadto sa mga magtutungha.
Dugang sa Senador, nga ang matang sa complete shift ngadto sa online learning nga pila nalang ka pamilok sugdan na ang opisyal nga ting-klase, usa ka “unacceptable” sa baruganan sa nahisgutang unibersidad.
Diin, ang maong kalit-kalit nga gipahamtang nga palisiya, gihulagway niya nga susama sa pag-abandona sa mga magtutungha.
Nunot sa nahisgutang matang, si Cayetano ni-angkon nga iyahang giila ang paggamit sa mga online tools sa luna sa edukasyon, Apan, nagtuo usab siya nga ang maong polisiya, ni-awas na.
Dugang pamahayag sa Senadora, kung ugaling pipila lamang ka oras ang paghatag og mando, nga nagsubay sa CHED guidelines, mamahimo o makonsidera pa nga makatarunganon ug reasonabli, apan, ang pag-anunsyo nga ang kinatibuk-ang klase itakli ngadto sa online, usa kini ka walay maayong pagpanerbisyo sa mga magtutungha.
Nahisgutan usab ni Cayetano ang Cebu Technological University nga nagpakita sa kalisud ug dakong hagit nga estado sa mga estiyudante nunot sa walay puas nga problemang gi-atubang tungod sa dili maayong internet access ug kakuwang sa digital skills.
Samtang, gitataw usab sa Senador ang UNESCO, ang International Commission on the Futures of Education, diin, nagpasiugda kini nga ang tunghaan dapat nga adunay seguridad, inklusibong luna diin ang magtutungha ug magtutudlo magbaton og sustainability, diin tataw niya, dili gayud kini masiugdahan sa usa ka virtual learning.
Subay niini, niluwat og kabalaka ang maong Senador may kalabot sa nahisgutang polisiya nga walay pagtugot sa board o input nga gitubdan sa mga estudyante, ginikanan, ug uban pang stakeholders.
Busa, gikuwestiyon niya ang hukom ug tulubagon sa pangu sa maong state university nga si Daniel Ariaso Sr., ug nanawagan sa Commission on Higher Education (CHED) nga sugdan na ang pormal nga imbestigasyon kabahin niini.
Nagkanayon usab si Cayetano nga mosang-at siya og resolusyon a Senado aron sa pagsiguro nga masusi ang maong isyu ug nga ang mga academic institutions magsubay sa insakto ug tukmang sumbanan sa governance standards.
