Opisyal nga nakadawat si Senador Robin Padilla og subpoena gikan sa Department of Justice (DOJ) may kalabotan sa preliminary investigation sa giingong pagtabang niya sa pag-ikyas ni Senador Ronald “Bato” dela Rosa gikan sa Senado niadtong miaging buwan sa Mayo karong tuiga.
Basi sa subpoena nga gipakita sa senador, gimandoan siya sa DOJ nga moatubang sa mga prosecutor ug mosumite sa iyang counter-affidavit karong umaabot Septiyembre 25 ug Oktubre 9 kalabot sa reklamo nga obstruction of justice nga gipasaka batok kaniya.
Nagsugod ang imbestigasyon human miikyas si Dela Rosa, kinsa gipangita sa International Criminal Court (ICC), pipila ka oras human sa pagpamusil sulod sa Senado, diin siya nangita og dangpanan kaniadto.
Diin, nakita si Dela Rosa nga migawas sa compound sa Senado uban kang Padilla.
Gawas kang Padilla, nagpadala usab ang DOJ og susamang mga subpoena ngadto sa duha ka laing indibidwal ug upat ka “John Does” nga nalambigit sa maong insidente.
