Giklaro ni Senador Joel Villanueva ang iyang reaksyon dihang nakita niini ang sinuwat nga pangalan ni Shiela Guo, giingong igsuon ni kanhi Mayor Alice Guo ug kauban nila sa dihang ni-eskapo siya sa Pilipinas.
Gitumbok ni Villanueva nga mao ang duha ka secretary ug staff sa kanhi mayor nga si alyas “Kat” ug “Gee.”
Gipasabot sa senador, ang rason nganong nakaingon siya nga “bingo” niadtong higayona kay makadaghang higayon na niya nga nadunggan ang mga mga pangalan ug nakita sa mga affidavit.
Dugang pa senador nga wala niya gika-collaborate ang mga pangalan hangtud nga giangkon na gayud ni Shiela nga ang ilang mga kauban sa pagbiyahe kay mao sila alyas “Kat” ug “Gee.”
Matod niya nga ila usab nga gihikay ang pagpanotaryo sa affidavit sa kanhi mayor bisan og wala na kini sa nasod.
Gipatawag sa Senado ang mga alyas nga “Kat” ug “Gee” aron maklaro kung unsa kadako ang ilang papel sa gihimo ni kanhi Bamban Mayor Alice Guo.
Samtang, dako ang pagtuo sa Senador nga ang Chinese nga si Duanren Wu maoy ‘big boss’ sa mga POGO sa Pilipinas ug siya usab ang nagpaluyo sa mga krimen sama sa kidnapping, torture, ug prostitusyon nga nalambigit sa POGOs.
Dugang pa niini nga si Wu kay usa ka kanhi pulis sa China ug aduna siyay mga kawani nga kanhi pulis ug opisyal sa militar sa China nga gidala sa Pilipinas ug gipapuyo sa Pampanga.//
Dayag nga si Wu usab, ang amo ni kanhi Mayor Alice Guo ug gikahadlokan niya.
Busa, usa sa tutokan sa imbestigasyon sa Senado mao ang relasyon ni Wu sa mga operasyon sa POGO sa nasud ug dakpon kini ug dad-on balik sa Pilipinas.
