Magpahigayon og miting ang mga senador karong adlawa, Lunes aron hisgutan ang posibleng pagbalhin sa impeachment trial ni Vice President Sara Duterte gikan sa buntag ngadto sa hapon.
Matod ni Sen. Erwin Tulfo, magdesisyon ang majority ug minority blocs sa bag-ong schedule tungod sa mga pagkalangan sa pagdungog nga gipahinabo sa dili maayong panahon ug sa umaabot nga deliberasyon sa 2027 national budget.
Gikanayon usab ni Sen. Panfilo “Ping” Lacson nga kadaghanan sa mga senator-judge pabor nga ibalhin sa hapon ang trial sugod Setyembre 1, ug sa gisugyot nga setup, himuon ang regular nga sesyon sa Senado gikan alas-dyes sa buntag hangtod alas-dos sa hapon, dayon magsugod ang impeachment trial alas-2:30.
Ingon man nga molungtad ang pagdungog hangtod alas-7:30 sa gabii o mas dugay pa kon gikinahanglan. Apan, kinahanglan pa kini nga maaprobahan sa caucus sa mga senador, lakip ang konsultasyon sa minority bloc.
Samtang, gisiguro usab sa kampo ni Vice President Sara Duterte ang pagsunod sa unsa mang ipatuman nga pagbag-o sa Senate Impeachment Court sa impeachment trial.
Sumala ni Atty. Michael Poa, lead spokesperson ug defense counsel ni Vice President Sara Duterte, nga andam sila sa direktiba sa korte.
Una nang gibotyag sa House prosecution panel nga pabor silang sugdan ang impeachment trial sa bise presidente alas-3 sa hapon ug e-extend hangtud Biyernes alang sa dali-ang pagtaral.
Gikomperma usab ni Senate President Sherwin Gatchalian, nga aduna nay consensus ang mga senator-judge nga ibalhin o ibalik sa hapon ang trial.
