CEBU CITY– “Game changer”.Kini ang napanglantawan ni Senate Blue Ribbon Committee chairman Senator Richard Gordon kalabut sa ilahang gipahigayun nga senate probe sa ‘drug recycling scandal’.
Gibutyag ni Senator Gordon sa dihang ekslusibong nahinabi sa Bombo Radyo Cebu nga posibling aduna pa’y ubang heneral, kanhi heneral o pinakauna nga heneral nga malambigit sa nahisgutang kontrobersiya.
Matud pa nga angayan nga atangan sa publiko ang mga musunod pa nila nga senate hearing arun nga masayran ang uban pang mga mabulgar kalabut sa mga pulis nga adunay kalambigitan sa iligal nga drugas.
Gisiguro ni Gordon nga seryoso ang ilahang imbestigasyon ug ipagawas gayud nila ang kamatuoran.
Nagkanayun kini nga impurtanti ang maong hisgutanan ug gikinahanglan nga masayud niini ang publiko.
Gidayeg usab sa magbabalaud si kanhi CIDG chief Benjamin Magalong ug karun Baguio City Mayor sa kaisug niini nga mibulgar sa nahisgutang kontrobersiya. (SBR)
