Gi-kwestyon ni Senate Blue Ribbon Committee chair Sen. Panfilo “Ping” Lacson ang “minority report” nila ni Senador Imee Marcos ug Rodante Marcoleta, nga nag-ingon nga wala kiniy lugar gawas sa basurahan tungod kay giingong wala gisunod ang due process.
Sumala ni Lacson, ang dokumento usa ka simbolo sa kawalay pagtahod sa Blue Ribbon Committee ug sa Senado.
Dugang niya nga ang minority mahimong motambong sa mga hearing ug mangutana imbes nga mohimo sa ilang kaugalingong report.
Si Senate President Tito Sotto miingon usab nga ang report para lang sa media.
Gitumbok sa minority bloc ang giingong pagpabaya sa Blue Ribbon Committee sa pagsubay sa mga lead nga may kalabotan sa kanhi Speaker Martin Romualdez, apan sumala ni Lacson, ang testimonya sa mga saksi dili igo aron manubag si Romualdez ug mahimo lamang nga lead para sa DOJ ug Ombudsman.
