Nipahigayon og send-off ceremony ang Bureau of Fire Protection 7, pinangulohan ni Regional Director Fire Captain Superintendent Fred Trajeras Jr., diin adunay 402 ka mga kabomberohan nga i-deploy sa syudad sa Sugbo atol sa ASEAN Summit, Enero 26, 2026, sa South Road Property grounds.
Gawas sa send-off ceremony, malampuson usab nga na blessing-ngan ang mga personnel sa BFP-7.
Gani, adunay 22 usab ka mga firetrucks gikan sa Lapu-Lapu, syudad sa Mandaue ug uban pa, samtang 7 ka mga ambulances, 2 ka Rescue Team (RTS), 1 ka Patrol vehicle, ug 1 ka Hazmat Van.
Ubos sa pangpangulo ni Trajeras Jr.,iyang gipaningkamotan nga anaa nakakatap ang mga personahe sa BFP-7 atol sa sa dako nga kalihokan, ang ASEAN Summit 2026.
Gikabutyag usab ni Trajeras nga anaa ang presensya sa mga kabomberohan atol sa maong kalihokan sukad Enero 26, hantud na sa Pebrero 3, 2026.
Naglaom usab siya nga ang matag personahe dedikado ug komitado sa ilahang mga katungdanan, ingun man magpabiling mabinantayon kay bisan paman sa gidaghanon sa personahe nga nilangkob sa send-off ceremony, dili maka yano-yano og bira ugaling aduna may wala damha nga emerhensya.
Apan bisan pa, nipasalig gihapon si Trajeras nga makalaom ang publiko nga adunay igong personahe nga anaa sa mga fire stations nga nagpabiling alerto.
