Nakahiagom ug lawm nga samad sa walang bahin sa sampot ang usa ka 63 anyos nga lola human kini gisungay sa iyang kabaw sa Sitio Uljos, Barangay. Usmad, Lungsod sa Argao pasado alas 6:31 sa gabie. June 20, 2026.
Ang maong biktima nailhan sa pangan nga si “Luz”, 63 anyos, residente sa Sitio Oljos, Brgy. Usmad, Lungsod sa Argao
Base sa insiyal nga kasayuran gikataho nga mokuha unta sa gitugway nga kabaw ang biktima kilumkilom sa adlawng Sabado sa diha nga gisungay kini sa ilang binuhI.
Nakahiagom ug lawm nga samad ang biktima diin dali kining girespondehan sa mga sakop sa Argao Municipal Disaster Risk Reduction ang Management Office ug gidala sa Isidro Kintanar Memorial Hospital sa Lungsod sa Argao.
Sapagkakaron, anaa na sa stable nga kahimtang ang maong biktima
