Gikumpirma sa mga lider sa United States ug Nigeria nga napatay sa usa ka hiniusang operasyon si Abu-Bilal al-Minuki, nga giila isip usa sa labing taas nga lider sa ISIS sa kalibutan.
Sumala kang U.S Pres. Donald Trump, si Abu-Bilal al-Minuki giisip nga ikaduha nga pinakataas nga lider sa Islamic State ug usa sa labing aktibong terorista sa kalibutan.
Nahitabo ang operasyon sa usa ka compound sa Lake Chad Basin, usa ka rehiyon nga giambitan sa Nigeria, Chad, Niger, ug Cameroon.
Gikumpirma usab ni Bola Tinubu ang hiniusang operasyon tali sa Nigerian forces ug sa US.
Matod sa mga otoridad, gibag-o sa Islamic State ang pokus niini ngadto sa sub-Saharan Africa, diin ang ilang sangang naglihok sa Nigeria maoy usa sa labing aktibo sa rehiyon.
Si Abu-Bilal al-Minuki gideklarar usab sa US isip “Specially Designated Global Terrorist” niadtong 2023.
