PROVINCE OF CEBU- Misaka ang tensyon sa nahitabong regular session sa Sangguniang Panlalawigan (Provincial Board) sa kagamhanang lalawigan sa Sugbo sa Legislative Building, Capitol Grounds kagahapong adlawa sa Lunes, Mayo 26, 2025.
Kun diin ang giinitang isyu sa maong sesyon kay mao ang pamahayag ni Cebu 3rd District Board Member Ismael John Borgonia nga may kabahin sa pag-defer sa proposed supplemental budget program no. 1 series of 2025 nga gitataw niini nga usa ka “action in bad faith” ilabi na sa umaabot bag-ong administrasyon.
Mihatag sa iyang priveledge speech si Cebu 4th District Board Member Celestino “Tining” Martinez III diin midepensa kini sa integridad ug propesyalismo sa Provincial Board kabahin sa gisugyot nga P1.2-bilyones nga supplemental budget.
Gihimug-atan ni Martinez nga wala lang kini miisplekar sa iyang kaugalingon apan sa tibuok institusyon sa sa Provincial Board nga gipunto isip unfair ug premature ang gibuhiang pamahag ni Borgonia.
Sa ekslusibong pakighinabi sa Bombo Radyo Cebu Newsteam kang Cebu 5th District Board Member ug Vice-Governor Elect Glenn Anthony Soco diin gipamahayag niini nga mao kadto ang pinakaunang higayon nga nakasaksi siya og ‘intense deliberation’ sa Provincial Board tungod sa gituki nga hisgutanan.
Gipasabot sab ni Soco nga sukwahi sa mga naggawas nga kasayuran online nga dili iwari-wari ang sugyot nga supplemental budget apan aron sa pagpundo sa renobasyon sa Legislative Building aron sa pag-cater sa dugang duha ka opisina nga gikan sa bag-ong posisyon sa Mandaue Lone District ug sa Legislative Assistance Funds sa matag distrito sa mga bokal.
Gani, gibalik Provincial Board ngadto sa Office of the Governor ang maong sugyot nga balaodnon aron sa dugang pagtuki sa proposed supplemental budget sa kasamtangnang tuig.
