US-Napugngan ang pag-shutdown sa gobyerno sa Amerika human gipasa sa US Congress ang budget deal.
Nauna nga naaprobahan sa US House of Representatives ang naasoy nga bill sa boto nga 366-34 ug usa ka oras human gipadayon sa Senado sa US ang pagpasa niini nga adunay boto nga 85-11, bisan kung kini kapin sa tunga sa oras nga milabay sa deadline.
Ubos sa bag-ong plano sa paggasto, ang kasamtangang fiscal levels kay malugwayan hangtod sa Marso 14, diin maghatag og $110 bilyon alang sa hinabang aron matabangan ang mga naluwas sa natural nga katalagman ug tabangan ang mga mag-uuma.
Bisan pa, ang gipangayo ni Presidente-elect Donald Trump gikan sa mga magbabalaod nga ipataas ang debt ceiling sa federal nga gobyerno wala maapil sa mga pondo nga gipasa, nga nagpakita sa mga limitasyon sa katakus ni Trump sa pagmando sa mga magbabalaod gikan sa iyang kaugalingon nga Partido.
Ang maong balaodnon gipasa ngadto kang US President Joe Biden aron hingpit nga mapirmahan nga mahimong balaod.
