Gihimug-atan sa usa ka opisyal sa Catholic Bishops’ Conference of the Philippines (CBCP) nga ang matinuohon dili lang angay magpasalamat sa Sierra Madre, ang pinakataas nga kabukiran sa nasud, apan kinahanglan usab nga panalipdan kini gikan sa pagkaguba.
Mao kini ang gipaambit ni CBCP-Episcopal Commission on Social Action, Justice, and Peace (ECSA-JP) vice chairman Gerardo Alminaza nga ang mga Pilipino kinahanglan nga panalipdan ang Sierra Madre isip balos sa pagpanalipod sa mga residente sa Luzon gikan sa kusog nga mga bagyo.
Diin ang pagtuo kinahanglan nga magpalihok kanato gikan sa pagpasalamat ngadto sa responsibilidad gumikan kung magpadayon ang pagluwas sa makakagahom sa tanan, angayan lang usab nga protektahan nato kini isip pagbalos.
Dugang pa niini nga isip usa ka simbahan, ang tubag dili lang matapos sa kahupayan kinahanglan kitang molihok gikan sa pagluwas ngadto sa reporma, gikan sa rehabilitasyon ngadto sa pagbag-o.
Gikanayon usab niini nga naghilak ang atong mga bukid, ang mga samad nga nahiaguman sa Sierra Madre kay nagsalamin sa atong nasud sa kahakog, korapsyon, ug pagpasagad.
Gipunting usab ni Alminaza nga ang Sierra Madre nag-antos na sa kadaot pinaagi sa quarrying, ilegal nga pagpamutol og kahoy, ug uban pang makadaot nga mga proyekto.
