CEBU CITY-Gikalipay karon sa sikat nga singer nga si Noven Belleza human nga nagpagawas og desisyon ang judge nga si Hon.James Stewart Ramon Himalaloan sa Regional Trial Court Branch 7 nga dismissed na ang kaso nga sexual assault nga gipasaka batok ni Belleza.
Matud sa abogado ni Belleza nga si Atty.Lanie Villarino nga gikalipay nila ang maong desisyon. Matud niya nga nakaginhawa na si Noven karon ug pwede na kining mubalik sa iyang mga shows ug mga commitments. Giingon usab nga dili na magproblema pa si Noven nga mubalik pa dinhi sa Sugbo.
Gitataw usab ni Villarino nga kini aduna usab kalambigatan sa gisumiter nga affidavit of desistance sa biktima niadtong miaging buwan kung diin matud niini nga dili na niya ipadayon ang kaso. Usa usab kini sa hinungdan nganu nadismiss ang kaso tungod sa “lack of interest”.
Nagpasalamat usab ang singer ngadto kang Atty. Villarino sa pagkadismiss sa iyang kaso.
