CAMBODIA — Usa ka linahi nga exotic food ang pwedeng ma-enjoy sa mga turista nga mao ang sinugbang ilaga diin mapalit kini sa mas baratong presyo.
Mapalit sa Battambang ang ilaga nga gikan pa sa bukid sa kantidad nga 13 ngadto na sa 65 pesos, depende lang sa gidak-on niini.
Base sa ilang kasaysayan niadtong dekada ’70, gisawo sa mga taga-Cambodia ang ilaga inubanan sa uban pang mga insekto sama lang sa baki, dako nga kaka, ug uban pa gumikan sa kalisud sa kahimtang sa pagpuyo.
Kung mahulagway ang lasa niini, halos susama lang sa karneng manok, baboy, ug baka apan, matud pa sa mga nakatilaw niini, mas ma-enjoy nila ang sinugbang ilaga nga adunay sawsawan.
Naglumbay ang mga namaligya og sinugbang ilaga sa Battambang ug ang ilang mga mulupyo maoy sagad nga mipalit niini.
Matud sa usa sa mga tindera nga si Ma Lis nga makabaligya kini og hangtud sa 20 ka kilo nga ilaga matag adlaw ug mas halinon kini matag bag-ong tuig o water festival.
Dugang pa sa tindera nga luwas kan-on ang mga gibaligya nga ilaga gumikan kay nagagikan man kini sa mga kabasakan.
Nasayran nga ang kinaon sa mga ilaga sa basak, pulos mga lotus roots ug humay.
Bisan pa man nga gibidlian man kini sa katawhan, na-enjoy man gihapon sa uban ang natural nga lasa sa sinugbang ilaga.
