Nagpabilin nga hapsay ug maayong pagdumala ang Sinulog sa Carmen karong tuiga, basi sa gikabutyag ni PMaj. Jude Cebrero, ang hepe sa Carmen Police Station.
Matod ni Cebrero, sa kasamtangan, wala silay namonitor nga mga dagkong kadaot ingun man insidente, ug ang security forces naka fully deployed.
Mao kini ang naasoy ni Cebrero atoll sa ekslusibong pagkab-ot sa Bombo Radyo Cebu Newsteam kaniya, diin iya usab nga gidugang nga gawas sa full deployment sa ilahang security forces, anaa usab ang ilahang aktibong pagbantay sa gidaghanon sa tao, traffic management ug area security measures.
Gikabutyag usab ni Cebrero nga sakto ug igo ang numero sa mga security personnel ang ilahang gipakatap, ug gilangkoban kini sa PNP, force multipliers, ug partner agencies nga mao ang natahasan nga ikatap sa tanang dapit sa Carmen nunot niing kalihokan sa maong lugar.
Gani, iyang gidugang nga kini nga mga personahe mamatyagan sa mge enrty ug exit areas ingun man sa mga intersections.
Samtang, giklaro usab ni Cebrero nga ilang gipokusan karon mao ang crowd control, traffic management, ug rapid response sa bisan unsang insidente nga posibleng motumaw.
Ingun man nga gitagaan usab nila og bug-at nga pagtagad ang kabahin sa mga krimen busa, anaa silay gipakatap usab nga anti-criminality actions nga gihimo aron paspas usab nga makaresponde sa mga wala damha nga panghitabo.
Kini nga mga lakang naghatag og garantiya sa mga nisalmot, ingun man sa mga bisita sa Sinulog sa Carmen rong tuiga og seguridad ug malinawon nga selebrasyon.
Ang Sinulog sa Carmen gisaulog matag tuig isip pagpasidungog kang Señor Santo Niño, ug nakagamot kini sa adunahan nga kasaysayan ug pagtuo sa Sugbo, diin ang pista gidasig sa sayaw sa Sinulog nga nagsimbolo sa agos sa suba ug nagsubay sa gigikanan niini sa pag-abot sa Kristiyanismo sa Cebu niadtong 1521.
