CEBU CITY-Mabulokong natapos ang Sinulog sa Dakbayan 2025 ng agipahigayon sa Cebu City Sports Center (CCSC), ang karaang Abellana Sports Complex kagahapong adlawa sa Dominggo, Enero 12, 2025.
Diin gisugdan kini sa martsa sa mga contigents gikan sa dalan MJ Cuenco Avenue atubangan sa Barangay Hall sa Mabolo, ning dakbayan sa Sugbo pasado ala 1 sa hapon nga nagsubay sa maong kadalanan hangtod naabot sa CCSC.
Giunhan ang maong parada sa Marching Brass Band diin sa hukom sa mga judges kay nag champion ang 560th Air Base Group Marching Band nga gisundan isip 2nd Placer sa RNB Youth Symphonic Band ug 3rd Placer nga Saint Florian BFP Marching Band.
Makadawat kini sa premyo nga P350,000 sa champion, P200,000 sa 2nd Placer, ug P100,000 sa 3rd Placer.
Samtang sa mga dancing contigents sab, nagharos ang Lumad Basakanon – Barangay Basak San Nicolas nga nakadawat og pasidungog isip Best in Costume, 4th Place sa Best in Musicality, Champion sa Street Dance Competition, ug Grand Champion sa Dance Ritual Showdown.
Mukabat sa dili muminos P2.8-milyones ang tibuok papremyo sa kasaulogan sa Cebu City Edition sa Sinulog 2025 diin pipila sa mga mananaug niini kay mupasundayag sa Sinulog Grand Parade 2025 nga mahitaob karong umaabot Enero 19.
