Nagpabiling luwas ang islang lalawigan sa Siquijor taliwala sa natalang kompirmadong kaso sa glanders disease sa maong probinsya.
Kini ang gipamahayag ni Siquijor Provincial Governor Jake Vincent Villa sa iyang mga konstituwente ug sa mga turista ang luwas ang ilang isla batok sa natahong sakit.
Gihimug-atan ni Villa nga ang sitwasyon batok sa glanders disease kay nagpabiling manageable kay ang kagamhanang lalawigan uban sa Negros Island Region One Health Task Force (NIR-OHTF) ug sa Department of Health (DOH) kay nagpadayon sa pag-implementar sa mga lagda aron mapabiling luwas ang komunidad.
Saysay niini nga padayon ang ilang paningkamot sa pag-monitor ug pag-atiman alang sa maayong panglawas sa ilang komunidad.
Dugang sa opisyal nga ang kagamhanang lalawigan kay misiguro na sa tanang precautionary measures nga ilang gipatuman sama sa early detection, paspas nga aksyon, ug inter-agency coordination.
Gani ang mga apektadong indibidwal kay nailhan na ug padayong nagpatambal samtang ang ialng surveillance, medical assessments, ug contact-tracing kay gipatuman na sad.
Sa pikas bahin, ang Department of Agriculture (DA) ug Bereau of Animal Industry (BAI) kay nagpahigayon na og animal testing aron masuta ang mga apektadong kahayupan.
Giawhag sa gobernador ang mga lungusranon niini nga magbapilin kalma lang sukwahi sa mga daghang kabalaka ug dili lang magkompyansa may kalabutan sa public health concern.
